Punaoa mo Faiaoga Igilisi i luga o le initaneti

"Matou te matua faafetai lava i tagata uma o loo aoao atu. Matou te alolofa ia te outou ma talisapaia outou e sili atu nai lo le mea e mafai ona matou fai atu ai. E tele lo matou talitonuga ia te outou."

Jeffery R. Holland | "O Se Faiaoga e Sau mai le Atua"

Faafetai mo le auauna atu!

Matou te faamoemoe o le a outou lagonaina le alofa o lo outou Tama Faalelagi ma lagonaina le faamautinoaga o a outou taumafaiga o loo faamanuiaina ai olaga o tagata aoao i le taimi nei ma le lumanai. Ina ia faamanuiaina, e manaomia ona e malamalama i le faamoemoega o le EnglishConnect ma lau matafaioi i le ausiaina o lena faamoemoega e pei ona otootoina i le tusi lesona a le faiaoga.

Alu i le Tusi Lesona

O le a la'u matafaioi?

O lau matafaioi aupito sili ona taua o le fausia lea o se siosiomaga e lagona ai e tagata aoao le Agaga, lagonaina le latou faasinomaga, ma lagona le mautinoa faapea, faatasi ai ma le fesoasoani a le Tama Faalelagi e mafai ona latou aoao ai le gagana Peretania.

Manatua, o le Agaga o le faiaoga moni. O lau matafaioi o le fausia lea o se siosiomaga e mafai ai e le Agaga ona aoao atu. E mafai ona e fesoasoani i tagata aoao ia lagona le alofa ma le lagolago ma aoao pe faapefea ona saili le fesoasoani a le Tama Faalelagi e aoao ai le gagana Peretania.

E le manaomia ona avea oe ma se tagata atamai i le aoaoina atu o le gagana Peretania. O mea uma e te manaomia o loo i le tusi lesona a le tagata aoao. A o e saili ma le agaga tatalo e faataunuu lenei tiutetauave ma ia faaleleia atili, o le a fesoasoani le Tama Faalelagi ia te oe (tagai Eteru 12:27).

Video Player is loading.

Current Time 0:00

Duration 0:00

Loaded: 0%

Stream Type LIVE

Remaining Time 0:00

Faith - EnglishConnect Principles of Learning

Faatuatua

(2:07 – E na o le Igilisi e maua ai)

Video Player is loading.

Current Time 0:00

Duration 0:00

Loaded: 0%

Stream Type LIVE

Remaining Time 0:00

Fellowship - EnglishConnect Principles of Learning

Faaaumeaina

(1:55 – E na o le Igilisi e maua ai)

Video Player is loading.

Current Time 0:00

Duration 0:00

Loaded: 0%

Stream Type LIVE

Remaining Time 0:00

Growth - EnglishConnect Principles of Learning

Tuputupua'e

(2:26 – E na o le Igilisi e maua ai)

Video Player is loading.

Current Time 0:00

Duration 0:00

Loaded: 0%

Stream Type LIVE

Remaining Time 0:00

Speak English - Getting Started for Teachers

Tautala Igilisi

(2:10 – E na o le Igilisi e maua ai)

Video Player is loading.

Current Time 0:00

Duration 0:00

Loaded: 0%

Stream Type LIVE

Remaining Time 0:00

Learn by Doing - Getting Started for Teachers

Aoao e ala i le faia

(2:15 – E na o le Igilisi e maua ai)

A o e sauni e aoao atu le EnglishConnect, mafaufau i fesili nei:

E mafai faapefea ona ou saunia faaleagaga?
E mafai faapefea ona ou valaaulia le Agaga i vaega taitasi o talanoaga?
E mafai faapefea ona ou fesoasoani i tagata uma ia lagona le taliaina ma le mautinoa?

A'oa'o atili

Toe foi i le pito i luga

E faapefea ona ou manuia?

E tele mea e mafai ona e faia e fesoasoani ai i tagata aoao o lau vaega o talanoaga e aoao le gagana Peretania ma faafailele le faatuatua. Ia saili ma le agaga tatalo le taitaiga a le Agaga a o e mafaufau i manaoga o tagata aoao ma taumafai e faaleleia atili.

Fesoasoani i Tagata Aoao e Faaaoga Mataupu Faavae o le Aoaoina

I le EnglishConnect, tatou te taumafai e aoao "e ala i le suesue ma le faatuatua foi" (Mataupu Faavae ma Feagaiga 88:118). O le a outou suesue ma faaaoga mataupu faavae e ono o le aoaoina. O nei mataupu faavae o loo faamatala ai mea tatou te talitonu i ai e uiga i tagata auai taitasi, ma lo latou mafai e faipaaga ai ma le Atua e ausia ai a latou sini.

O le a sili ona faamanuiaina oe a o e sailia le Agaga e fesoasoani i tagata aoao e faaaoga mataupu faavae o loo lisiina i lalo. Suesue ma le agaga tatalo ia mataupu faavae taitasi. Fuafua pe faapefea ona e fesoasoani i tagata aoao e faaaoga nei mataupu faavae a o latou galulue faatasi e aoao le gagana Peretania.

(2:08 – E na o le Igilisi e maua ai)

Saili e Faaleleia

A o e taumafai ma le agaga tatalo e faataunuu lenei valaauga, o le a fesoasoani le Agaga ia te oe ia iloa le auala e faaleleia atili ai. Suesue i mataupu faavae o loo i le Aoao Atu i Ala a le Faaola ma mataupu faavae o le aoaoina. Ia iloa vaega o loo lelei ona e faatinoina. Faailoa mai vaega e te manao e faaleleia ma fai ni fuafuaga patino e faaaoga ai mea o loo e aoaoina.

I le avea ai ma se faiaoga o le EnglishConnect, ua ia te oe se tiutetauave faapitoa e fausia ai se siosiomaga e mafai ai e tagata aoao ona "saili le aoaoina, e ala i le suesue ma le faatuatua foi" (Mataupu Faavae ma Feagaiga 88:118). E mafai ona e fesoasoani i tagata aoao e galulue i le faatuatua e iloa ai le folafolaga a le Faaola e faapea "e mafai mea uma lava i le Atua" (Mareko 10:27). E mafai ona faamanuiaina ai o latou olaga i fafo atu o le EnglishConnect.

Ia talitonu o le a fesoasoani le Tama Faalelagi ia te oe a o e sailia le Agaga ma faia le mea sili e te mafaia. Ia e faatuatua o le a tuuina atu e le Agaga ia te oe le taitaiga e te manaomia, e oo lava i le "taimi lava" (Mataupu Faavae ma Feagaiga 100:6). A o e sailia le Agaga ma alofa ia i latou o loo e aoaoina, o le a mafai ona e fausia se siosiomaga e lagona ai e tagata aoao le Agaga, lagona le taliaina, ma lagona le mautinoa o le a fesoasoani le Tama Faalelagi ia i latou e aoao le gagana Peretania.

A'oa'o atili

Toe foi i le pito i luga

Saili le Aoaoina e ala i le Suesue ma le Faatuatua

O le faavae o le auai i le EnglishConnect o le fesoasoani lea i tagata aoao "e saili le aoaoina, e ala i le suesue ma le faatuatua foi" (Mataupu Faavae ma Feagaiga 88:118). O lesona uma i le EnglishConnect e taulai atu i se mataupu faavae o le aoaoina. O mataupu faavae faaleagaga nei e fesoasoani ia i tatou e faalagolago ai i le Alii e faatupuina lo tatou gafatia e aoao ai ma aoao atu. O mataupu faavae o le aoaoina e mafai ona fesoasoani ia i tatou ia malamalama ai i o tatou gafatia moni ma le mafai a le Faaola e fesoasoani ia i tatou. O mataupu faavae o le aoaoina o le a tatou suesueina ma faataitai i le auai ai i le EnglishConnect e aofia ai:

O Oe o le Alo o le Atua

I le EnglishConnect, ua tatou iloa ai o tagata auai uma o fanau a le Atua e i ai gafatia e faavavau. E alofa o Ia ia i tatou ma e finagalo e fesoasoani ia i tatou ia manuia. E mafai ona tatou tatalo ia te Ia ma maua Lana fesoasoani. A tatou malamalama i o tatou gafatia moni, e mafai ona tatou faipaaga ma le Atua e faia mea e foliga mai e le mafai—e aofia ai le aoaoina o le gagana Peretania. E mafai ona e fesoasoani i tagata aoao ia malamalama i lo latou natura moni o le avea ma se alo o le Atua. E mafai ona e fesoasoani ia i latou e aoao e faipaaga ma le Atua i le aoaoina o le gagana Peretania.

E mafai faapefea ona ou fesoasoani i tagata aoao ia lagona le alofa o le Atua?
E mafai faapefea ona ou fesoasoani i tagata aoao e saili le fesoasoani a le Atua a o latou aoaoina le gagana Peretania?

Faatino le Faatuatua ia Iesu Keriso

O le faamoemoega o le EnglishConnect o le fesoasoani lea i tagata aoao e atiinae tomai faa-Peretania i se siosiomaga e faafaileleina ai le faatuatua i le Tama Faalelagi ma Iesu Keriso.

Matou te valaaulia tagata aoao e aoao e uiga ia Iesu Keriso ma faatino le faatuatua ia te Ia. E ala mai i le alofa tunoa ma le mana o Iesu Keriso, e mafai ai ona tatou maua le malosi ma le fesoasoani e aoao ai ma suia.

E mafai ona e fesoasoani e ala i le valaauliaina o tagata aoao e tatalo mo le malosi ma galulue i le faatuatua e ausia ai a latou sini. Faaali atu lou faatuatua. Valaaulia tagata aoao e faasoa mai o latou talaaga i le faatinoina o le faatuatua e faatoilalo ai luitau ma ausia ai a latou sini.

Mafaufau i fesili nei:

E mafai faapefea ona ou fesoasoani i tagata aoao e faaaoga le faatuatua ia Iesu Keriso e ala i le aoaoina o le gagana Peretania?
E mafai faapefea ona ou fesoasoani patino ia i latou e le o ni tagata o le Ekalesia pe le masani foi i aoaoga a Iesu Keriso?

Tauave Tiutetauave

I le avea ai ma fanau a le Atua, ua ia i tatou le mana e filifili ai po o le a le ituaiga tagata o le a iai tatou. E ui lava e mafai ona fesoasoani isi ia i tatou, ae e tatau ona tatou filifili e fai le galuega e tatau ai ina ia ausia ai a tatou sini faaleaoaoga.

Ina ia mafai ona faaleleia atili, e tatau i tagata aoao ona tauaveina le tiute o le faamuamua o a latou lava aoaoga. O le auai i le vasega faalevaiaso o se vaega taua lea o le aoaoina. Peita'i, e na o le pau le auala e a'oa'o ai se gagana, o le faata'ita'i lea i aso ta'itasi. E mafai ona e fesoasoani e ala i le valaauliaina o tagata aoao e faatulaga ni sini faataitai i aso taitasi ma galulue i le faatuatua e ausia ai a latou sini.

E mafai faapefea ona ou fesoasoani i tagata aoao e tauaveina le tiutetauave e suesue ma faataitai le gagana Peretania i aso taitasi?
E mafai faapefea ona ou fesoasoani i tagata aoao e saunia mo le vaega o talanoaga?
E mafai faapefea ona ou fesoasoani i tagata aoao ia iloa lo latou alualu i luma?

Alofa ma Aoao e le Tasi le Isi

O se tasi o vaega e sili ona ofoofogia o le EnglishConnect o le fegalegaleaiga e aoaoina faatasi i a tatou vaega o talanoaga. A o tatou alolofa, aoao atu, ma aoao faatasi, tatou te valaaulia le fesoasoani a le Atua, ma tuputupuae ai lo tatou gafatia.

O le a sili atu ona faamanuiaina tagata aoao pe a latou fesoasoani ma aoao le tasi i le isi. O le aoaoina o se gagana e mafai ona faigata, ma o le i ai o se vaega lagolago o le a fesoasoani i tagata aoao e faaauau ai pea e tusa lava pe latou te lagona le lotovaivai pe mananao foi e faamuta. O lau matafaioi o le fausia lea o se siosiomaga e lagona ai e tagata aoao le alofagia ma lagona ai le toafimalie e fegalegaleai ma lagolago e le tasi le isi. Fesoasoani i tagata aoao ia iloa e le tasi le isi ma atiinae sootaga o le faatuatuaina.

Mafaufau i fesili nei:

E mafai faapefea ona ou fesoasoani i le vaega e atiinae lagona o le faatuatuaina ma le faaaumea?
E mafai faapefea ona ou fesoasoani i tagata aoao e aoao e le tasi le isi ma faasoa mai o latou talaaga?

Oomi i Luma

O le aoaoina o se gagana e manaomia ai le taimi, taumafaiga, ma le finafinau, ae tatou te le o faia toatasia. E mafai ona fesoasoani le Atua ia i tatou ia maua le malosi ma le lototele e faaauau ai pea ona galulue agai i a tatou sini.

E fiafia le Alii i taumafaiga. O le a Ia faamanuiaina a tatou taumafaiga. E mafai ona tatou fetaomi atu i luma ma faaauau pea ona faataitai i aso uma, ma le faatuatuaina o Ia e fesoasoani mai i tatou e aoao. E tusa lava po o a luitau tatou te feagai ai, e mafai ona tatou fetaomi atu i luma ma le faatuatua.

Mafaufau i fesili nei:

E mafai faapefea ona ou faaaogaina lenei mataupu faavae i lo'u olaga?
E mafai faapefea ona ou fesoasoani i tagata aoao e "uuna'i i luma" i le aoaoina o le gagana Peretania?

Fefautuaai ma le Alii

O le fefautuaai ma le Alii e ala i le tatalo e mafai ona fesoasoani ia i tatou e iloilo ai lo tatou alualu i luma ma taulai atu a tatou taumafaiga. A o tatou sailia Lana taitaiga, e mafai ona tatou sailia ni vaifofo i o tatou faafitauli, ma faatoilalo o tatou luitau.

E finagalo le Atua e fesoasoani ia i tatou e aoao ma tuputupuae. E ala i le tatalo ma le suesueina o tusitusiga paia, e mafai ai ona tatou fefautuaai ma le Alii. E mafai ona Ia taialaina i tatou. A o tatou fefautuaai ma le Atua, e mafai ona Ia fesoasoani ia i tatou e ausia a tatou sini faaleaoaoga

Mafaufau i le fesili lenei:

E mafai faapefea ona e feutagai ma le Atua e uiga i au taumafaiga o se faiaoga o le EnglishConnect?
E mafai faapefea ona e fesoasoani i tagata aoao e faaaoga lenei mataupu faavae?

Toe foi i le pito i luga