O le atinae o le tomai faa-Peretania e mafai ona faalautele ai avanoa mo galuega, aoga, auaunaga, ma faauoga. Ae peitai, e toatele tagata i le lalolagi atoa o loo feagai ma faafitauli i le aoaoina o le gagana Peretania e aofia ai le tau, mamao, taimi, masalosalo ia te oe lava ia, ma le auala e maua ai.
Ua saunia e le EnglishConnect se avanoa tulaga ese mo tagata aoao e faatoilalo ai nei papupuni.
Tau Maualalo pe Ofo Fua Ia maua punaoa mo suesuega ma vaega o talanoaga i se tulaga itiiti pe leai foi se tau.-
Fesoasoani Talia ma tuuina atu faamalosiau, feiloai i uo fou, ma maua le lototele. -
Faateleina le Faatuatua Galue i le faatuatua e saili le fesoasoani a le Atua i le aoaoina o le gagana Peretania.
Ua tatou iloa o le aoaoina o se gagana e manaomia ai le tautinoga, taimi, filiga, fesoasoani, ma le faataitai ma le loto i ai. E ala i se faataitaiga lelei o le aoaoina, ua fausia ai mataupu aoaoina a le EnglishConnect e fesoasoani ia te oe e faatupulaia ai ou tomai faa-Peretania i laasaga taitasi.
Tuufaatasiga o Mataupu Faavae Faaleaoaoga ma Faaleagaga
O le EnglishConnect e fausia i luga o le manatu o le faatuatua: matou te talitonu i lou gafatia o se tagata aoao ma le gafatia o le Atua e fesoasoani ia te oe e ausia ai au sini. E mafai ona fesoasoani le EnglishConnect ia te oe e malamalama ai ma faaaoga mataupu faavae faaleagaga o le aoaoina ma mataupu faavae faamaonia o le aoaoina o gagana.
Vaega o Talanoaga
Faataitai le tautala ma le faalogo a o e auai i vaega o talanoaga laufofoga fiafia. Faataitai i se siosiomaga tatou te aoao ai mai a tatou mea sese ma agai faatasi i luma. Faateteleina lou talitonuga e faaaoga le gagana Peretania i aso uma. E mafai ona faia vaega o talanoaga faafesagai ma tagata po o i luga o le initaneti.
Faatulagaga o Fuaiupu e Faavavevave ai le Aoaoina
Faaaoga faatulagaga faigofie e vave aoao ai pe faapefea ona fesootai atu ou lava manatu ma fausia se faavae mo tulaga maualuluga atu. I lesona muamua e lima, e mafai ona e aoaoina ai ni upu se 90 ma ni faatulagaga o fuaiupu e 18. Mai iina, e mafai ona e fai atu ai ni fesili se 200 ma fai ni fuaiupu se 3,000.
Taulai i Fesoota'iga
E sili atu i faataitaiga o le kalama ae taulai atu i le faaaogaina o le gagana Peretania e fesootai ai. O le a e ofo i le vave ona e agai i luma mai le tautala i upu i le faia o talanoaga a o atinae lau lototele i lesona uma.
Atinae ni Tomai Patino
Atinae ni tomai faa-Peretania patino e saunia ai mo auaunaga, galuega, ma avanoa faaleaoaoga—aemaise lava le Sa ou auai i isi polokalama, ae e matuai ese lava lenei polokalama. E le na o lou aoaoina o se gagana fou, ae o loo e mauaina le talitonuga i mea e mafai ona e ausia aua o loo e faatuina ni sini ma mauaina le fesoasoani.
Pamela Sepulveda
Chile