Siitia, faalauaitele, ma taitai au vaega e ala i le polokalama QuickReg a le Ekalesia.
"E faafaigofie e le QuickReg le fesootaiga o nuu e ala i le fesoasoani i faiaoga ma taitai o le EnglishConnect—faapea foi siteki ma misiona—e lagolago i manaoga o tagata aoao. O se meafaigaluega o le a faia ai se eseesega atoa i le faapotopotoina o Isaraelu."
Betsey Wheeler, Faifeautalai o le Auaunaga a le EnglishConnect
O le a le QuickReg?
E maua i le silia ma le 40 gagana, o le QuickReg o le meafaigaluega aloaia lea o resitala O Le Ekalesia a Iesu Keriso o le Au Paia o Aso e Gata Ai, ma ua fausia faapitoa mo vaega uma o le Uelefea ma le Ola Tutoatasi ma le EnglishConnect. E faamautinoa e le QuickReg le usitaia o aiaiga faavae o tulaga faalilolilo o faamatalaga a le Ekalesia ma otometi lava ona tuufaatasia punaoa a taitai ma failautusi (PTF).
O le a faigofie i taitai ma faiaoga ona faaaoga aua e mafai ona latou faia ma pulea vaega ma valaaulia tagata auai. E mafai e tagata auai ona maua ni vaega i latou eria ma vave ona resitala i latou lava gagana.
I ni nai minute, e mafai e taitai po o faiaoga ona fatu ma faatulaga a latou vaega. O se tasi o faamanuiaga autu o le faatuina o se vaega i le QuickReg, o le mafai ona saili le vaega i luga o le initaneti e ala i se tuatusi e fai ai sailiiliga.
Faasoa atu le sootaga faaupega tafailagi o le vaega
O vaega taitasi e fai e i ai se URL e fesootai iai. E mafai e taitai, faiaoga, ma tagata auai ona faaaoga le sootaga faaupega tafailagi URL po o le QR code e valaaulia ai isi e ala i le imeli, feau tusitusia, WhatsApp, po o ala o faasalalauga faaagafesootai.
Silasila i ripoti i punaoa a taitai ma failautusi (PTF)
O ripoti o le resitalaga ma le faamaeaina e otometi lava ona tuufaatasia ma punaoa a taitai ma failautusi. E mafai e aufono faaletaitai ona faaaoga nei ripoti e taialaina ai taumafaiga auauna atu ma fesoasoani ai i tagata auai ia alualu i luma.
Faamaonia ma lolomi tusi faamaonia
E mafai e faiaoga ma taitai ona fai ni tusipasi faamaonia o le faamaeaina e lolomi ai, tufatufa atu, ma faamanatu ai le tuputupuae faatasi ma tagata auai.
Penefiti mo Tagata Auai
Saili se vaega
A faatuina se vaega ma iloa gofie, e mafai e tagata auai e fia auai ona saili i le QuickReg e sue se vaega e sili ona aoga mo i latou.
E maua i le tele o gagana
E maua i le silia ma le 40 gagana (ma o loo faitauina pea), o le QuickReg e faigofie ai i tagata e le tautala i le gagana Peretania ona resitala i latou lava gagana.
Faasoa atu ma valaaulia uo
O tagata auai e o ni amepasa sili ona lelei o matou polokalama. E mafai e tagata aoao ona faasoa atu le sootaga faaupega tafailagi o le vaega/QR code e valaaulia ai uo ma aiga e auai i se vaega.
Motugaafa Vave
Faatu lau vaega i ni nai minute
Alu i totonu o le QuickReg e faaaoga ai lou igoa faaaoga ma le uputatala i le Itulau a le Ekalesia.
Filifili le gagana ma le ituaiga vaega.
Filifili le nofoaga o le a feiloai ai le vaega.
Filifili le va o tausaga mo le vaega.
Faaopoopo faamatalaga auiliili o le fonotaga (aso amata ma le aso faaiu, aso ma taimi o fonotaga).
Faaopoopo le tagata e faagaoioia.
Faaopoopo se tapulaa o le gafatia (faitalia).
Faasoa atu le URL po o le QR code i tagata o le Ekalesia ma uo a le Ekalesia.
A o e amata, matou te malamalama e ono tulai mai isi fesili. Siaki le matou vaega atoatoa ma le faatupulaia o le FAQ mo tali.
Puleaina o Vaega
Faaaogaina o le QuickReg
Mo Tagata Auai & Vaega Eseese.
Puleaina o Vaega
E faapefea ona ou faia se vaega?
O le QuickReg e faigofie ma vave ai ona faia se vaega.
Laasaga 1: Filifili le gagana o le a aoaoina ai le vaega.
Laasaga 2: Filifili le ituaiga vaega o le a e ofoina atu
Laasaga 3: Faaopoopo faamatalaga auiliili o le vaega e pei o le nofoaga, aso o vaega, taimi o fonotaga, tagata e faagaoioia, ma isi mea faapena.
Laasaga 4: Sefe le vaega.
Pe tatau ona ou resitala i se vaega i le polokalama tuai?
Leai. O le taimi lava e te resitalaina ai se vaega i le QuickReg, ua maea. Ona mafai lea ona e faia ni suiga i au vaega pe a e manaomia. I le faaiuga o se vaega, o le a e toe foi atu i le QuickReg e "faaiu" le vaega ma fai ni tusipaso mo tagata auai uma o e na faamaeaina agavaa e tatau ai.
O le ā le vaega lautele?
Ua saunia e le QuickReg se faafanua po o se lisi o vaaiga o vaega uma i se eria faafaafanua. E mafai ona maua le itulau lautele i le https://quickreg.englishconnect.org/join-now. Ina ia faaali mai se vaega i luga o le faafanua po o le lisi, e tatau ona faatuina se vaega lautele. O le faamoemoega mo se vaega lautele o le mafai lea e tagata o isi siteki po o i latou e le o ni tagata o le tatou tapuaiga ona maua ma resitala e auai i se vaega. E lautele vaega uma sei vagana ua e filifilia le pusa siaki "Faalilo mai le lisi lautele".
O le a le vaega faalilolilo?
I nisi tulaga, e te ono filifilia e te le manao e faaali atu se vaega i le itulau lautele. Mo se faataitaiga, ua filifili le siteki e faia se vaega faapitoa mo le autalavou i le siteki. E te le manao e auai isi mai fafo atu o le siteki. E mafai ona e faia se vaega faalilolilo ma faaopoopo i totonu tagata auai pe lafo atu foi se sootaga faaupega tafailagi i na tagata e te manao e valaaulia.
O le a le vaega o loo faatalitali?
Pe a e faatuina se vaega fou, o nisi taimi e te le iloa ai faamatalaga uma mo le vaega, ae o le a e filifili faamatalaga auiliili pe a uma ona resitala tagata o le vaega. E mafai ona e faatulagaina se vaega o loo faatalitali.
Laasaga 1: Filifili le gagana o le a faafoe ai le vaega.
Laasaga 2: Filifili le ituaiga vaega e te manao e ofoina atu.
Laasaga 3: Filifili le nofoaga o le vaega (e mafai ona suia lenei mea i se taimi mulimuli ane).
Laasaga 4: Kiliki le pusa siaki o loo Faatalitali.
Laasaga 5: Sefe le vaega.
Laasaga 6: Faasoa atu le sootaga faaupega tafailagi a le vaega i isi ina ia mafai ona latou saini e auai.
Laasaga 7: A uma ona resitala tagata uma, faasa'o le vaega ma faaopoopo i ai faamatalaga auiliili o le vaega e pei o aso ma taimi, tagata e faagaoioia, ma isi mea faapena.
Laasaga 8: Sefe le vaega.
E mafai faapefea ona ou faaleaogaina se vaega?
Afai e te faia se vaega ma e te toe iloa ane o le a le faaaogaina le vaega, e mafai ona e faaleaogaina le vaega.
Laasaga 1: Tatala le itulau o vaega o le QuickReg
Laasaga 2: Kiliki le ... lisi autu i le vaega e te manao e faaleaoga
Laasaga 3: Filifili le Faaleaogaina le Vaega
Laasaga 4: Kiliki le Faaauau e faaleaoga ai le vaega
Ua suia le tulaga o le vaega i le Faaleaogaina.
E faapefea ona ou faaiuina se vaega?
A maea lau vaega, o i le QuickReg ma faaiu le vaega. O le a mafai ai ona e lolomiina tusipasi a tagata auai.
Laasaga 1: Tatala le itulau o vaega o le QuickReg.
Laasaga 2: Kiliki le ... lisi autu i le vaega e te manao e faaiu ma lolomi tusipasi.
Laasaga 3: Filifili le Vaega Faaiu.
Laasaga 4: Kiliki le Faaauau e faamautu ai e te manao e faaiu le vaega.
Laasaga 5: Faatumu le Sailiiliga o Taunuuga mo tagata auai taitoatasi. Ia mautinoa e kiliki le Ioe i talaane o le "Mauaina o se Tusipasi" mo tagata auai taitoatasi o e e tatau ona mauaina se tusipasi.
Laasaga 6: Kiliki le Sefe ma Vaega Faaiu.
E suia le tulaga o le vaega i le Faaiu
Faaaogaina o le QuickReg
O ai e mafai ona faaaogaina le QuickReg?
E faaaoga e le QuickReg valaauga masani o le Ekalesia e tuuina atu ai le faatagana e faaaogai ai. O le a le aoga valaauga masani. O valaauga nei o le Ekalesia o le a faatagaina e faaaoga ai le itu faalepulega o le QuickReg i http://quickreg.englishconnect.org.
Lisi o valaauga e otometi lava ona faatagaina ai le faaaogaina:
Valaauga o Siteki
Peresitene o le Siteki ma Fesoasoani (ID: 1, 2, 3)
Peresitene ma Fesoasoani o le Aualofa a le Siteki (ID: 741, 742, 743)
Failautusi Faapitoa a le Siteki (ID: 51)
Failautusi a le Siteki (ID: 52)
Fautua Maualuga o le Siteki (ID: 94)
Tagata Faapitoa mo le Uelefea ma le Ola Tutoatasi a le Siteki (ID: 1457)
Faufautua o Malumalu ma Talafaasolopito o Aiga a le Siteki (ID: 778 po o le 1375)
Sui Taitai Siteki (ID: 361)
Valaauga i Itu
Peresitene o le Itu ma Fesoasoani (ID: 5, 66, 67)
Peresitene ma Fesoasoani o le Aualofa a le Itu (ID: 1430, 1431, 1432)
Failautusi Faapitoa a le Itu (ID: 70)
Failautusi a le Itu (ID: 68)
Tagata Faapitoa mo le Uelefea ma le Ola Tutoatasi (ID: 1545)
Faufautua o Malumalu ma Talafaasolopito o Aiga a le Itu (ID: 1456)
Tagata e Faagaoioia le Vaega o le Ola Tutoatasi (ID: 4227634)
Misiona
Peresitene o le Misiona ma Fesoasoani
Sui Taitai Misiona
Valaauga i Uarota
Epikopo ma Fesoasoani (ID: 4, 54, 55)
Failautusi Faapitoa (ID: 56)
Failautusi a le Uarota (ID: 57)
Peresitene o le Korama a Toeaina (ID: 138)
Peresitene o le Aualofa (ID: 143)
Tagata Faapitoa mo le Uelefea ma le Ola Tutoatasi (ID: 1545)
Sui Taitai o le Uarota (ID: 364)
Tagata e Faagaoioia le Vaega o le Ola Tutoatasi (ID: 4227634)
Faufautua o Malumalu ma Talafaasolopito o Aiga a le Uarota (ID: 238)
Paranesi
Peresitene o le Paranesi ma Fesoasoani (ID: 12, 59, 60)
Failautusi Faapitoa a le Paranesi (ID: 1278)
Failautusi a le Paranesi (ID: 789)
Peresitene o le Korama a Toeaina (ID: 138)
Peresitene o le Aualofa (ID: 143)
Tagata Faapitoa mo le Uelefea ma le Ola Tutoatasi (ID: 1545)
Tagata e Faagaoioia le Vaega o le Ola Tutoatasi (ID: 4227634)
Faufautua o Malumalu ma Talafaasolopito o Aiga a le Paranesi (ID: 1977)
Aisea e fai mai ai le QuickReg o se tagata faaaoga e "lē faatagaina?"
E faaaoga e le QuickReg ni valaauga faapitoa o le Ekalesia e tuuina atu ai le faatagana e faaaogaina. Afai e tuuina atu i se tagata faaaoga se feau o le "lē faatagaina," e masani lava o lona uiga e lē o i ai se tasi o valaauga atofaina e otometi lava ona tuuina atu i ai le faatgana e faaaogaina ai le polokalama. Faamolemole ia matau o le a le faatagaina valaauga masani e faaaoga.
E faapefea ona alu totonu se tagata e faagaoioia se vaega i le QuickReg?
E tuuina atu i tagata e faagaoioia le faaaogaina o vaega e ala i le faitotoa o le pulega e ala i le o atu i le https://quickreg.englishconnect.org. I le faagasologa o le faatuina o vaega, o le a mafai ona e faaopoopoina se tagata e fesoasoani e ala i le sailia o soo se vaega o le igoa o le tagata. E tatau i tagata e faagaoioia ona faapipii a latou MRN i le itulau a le ekalesia ina ia mafai ai ona latou faaaogaina le QuickReg. O le taimi lava e faaopoopo ai lena tagata e avea ma se fesoasoani ma sefe ai le vaega, o le a mafai ai e le tagata e faagaoioia ona alu i totonu o le polokalama ma faaaoga le latou vaega. Faamolemole ia matau o tagata taitoatasi e leai se itulau a le ekalesia i totonu o le siteki o loo ana le vaega, o le a lē mafai ona maua faamatalaga o le vaega i totonu o le QuickReg.
E faapefea ona ou lolomiina tusipasi mo tagata auai o la'u vaega?
Muamua, mulimuli i le faagasologa o loo i luga e faaiu ai le vaega.
Laasaga 1: Tatala le vaega ua faaiu.
Laasaga 2: Faailoga le pusa i talaane o tagata auai taitasi o e na mauaina se tusipasi.
Laasaga 3: Kiliki le ... lisi autu i talaane o le ulutala o le Aso.
Laasaga 4: Filifili Tusipasi o le Faamaeaina po o le Auai.
Laasaga 5: Sefe le faila PDF faatasi ma tusipasi i lau masini.
Laasaga 6: Lolomi pe tufatufa atu tusipasi i tagata auai.
Manatua: E mafai ona e kilikiina le faailo o le Lolomi Tusipasi e sii mai ai se tusipasi PDF mo tagata auai taitoatasi.
E faapefea ona auai se tasi e fia iai i se vaega?
E tele auala e mafai ai e se tagata ona auai i se vaega.
1. Faaopoopo Tagata Auai E ono mafai e se tagata e fesoasoani i ai po o se taitai faamaonia ona faaopoopoina se tagata auai i se vaega.
Laasaga 1: Alu i totonu o le QuickReg.
Laasaga 2: Alu i le "Vaega" O le a faaali mai se lisi o vaega i lou nofoaga.
Laasaga 3: Filifili le vaega e te manao e faaopoopo i ai le tagata auai.
Laasaga 4: Filifili le faailo "+ Tagata Auai". Mulimuli i laasaga ma sefe.
Laasaga 5: Ia mautinoa ua iloa ma ioe le tagata auai i Tuutuuga o le Auai.
2. Auina atu se Sootaga Faaupega Tafailagi E mafai ona e lafoina se sootaga faaupega tafailagi tuusao a le vaega i tagata auai e faataga ai i latou e auai ai lava latou i se vaega. E matua fautuaina lenei metotia aua e mafai ai e tagata auai ona malilie i Tuutuuga o le Auai i se vaega.
Laasaga 1: Alu i totonu o le QuickReg.
Laasaga 2: Alu i le "Vaega." O le a faaali mai se lisi o vaega mo lou nofoaga.
Laasaga 3: Filifili le vaega e manaomia.
Laasaga 4: Kopi le sootaga faaupega tafailagi i le vaega. Kiliki le "Kopi le Sootaga Faaupega Tafailagi o le Vaega" i le itu taumatau o faamatalaga o le vaega.
Laasaga 5: O le a kopiina le sootaga faaupega tafailagi i le laupapa kilipi i tua atu. Alu i se imeli, feau tusitusia, ala o faasalalauga faaagafesootai, ma isi mea faapena ma faapipii le sootaga faaupega tafailagi i totonu o le avanoa e tusi ai feau lafo. Auina atu i tagata auai ona mafai lea ona latou faia e i latou lava le faagasologa o le saini e auai ai.
3. Suesue i vaega lautele e ono mafai foi e Tagata Auai ona maua se vaega e ala i le o atu i https://quickreg.englishconnect.org/join-now. Mai lenei vaaiga, o le a faaali atu ai i le tagata auai vaega "lautele" uma i le latou eria. E mafai ona latou vaai i le itulau i se "vaaiga faa lisi" po o se "vaaiga faafanua."
Laasaga 1: Filifili po o le fea vaega latou te mananao e auai ma kiliki le "Saini e Alu i Totonu."
Laasaga 2: E mafai e le tagata auai ona filifili e saini e faaaoga ai se igoa faaaoga ma le uputatala o le "Itulau a le Ekalesia", pe saini e aunoa ma se itulau.
Laasaga 3: E faatumu e le tagata auai ia faamatalaga manaomia ma sefe. Ona resitala lea o i latou.
E tatau i tagata auai ona pue se ata o le itula o le faamanuia pe tusi i lalo faamatalaga mo latou vaega ina ia mafai ona latou manatuaina le mea na latou saini malilie iai. E tatau i tagata e faagaoioia ona fuafua e faafesootai tagata auai e faafeiloai i latou i le vaega ma faamanatu atu ia i latou ia faamatalaga o le fonotaga a le vaega.
TAUA: Pe a aveesea le faafanua, e le otometi ona faaali mai vaega uma. O le faailo "Saili le Eria lenei" i le tulimanu taumatau pito i luga o le faafanua e tatau ona kiliki e toe faafou ai le lisi o vaega.
Mo Tagata Auai & Vaega Eseese.
Pe tatau ona ou resitalaina se faigalotu mo le ola tutoatasi?
Leai. O le faia o se faigalotu faalevaega e filifili e le taitai o le siteki. Ua le toe aoina mai e le Ekalesia soo se faamatalaga e uiga i faigalotu.
E faapefea ona ou faapipiiina la'u MRN i la'u Itulau a le Ekalesia?
Ina ia faaopoopo lau Numera o le Pepa Faamaumau i lau itulau, fai laasaga nei:
Laasaga 2: I lalo o le ulutala "Talaaga Otooto", filifili le "Pepa Faamaumau"
Laasaga 3: Ta i totonu lou MRN ma le aso fanau
E mafai ona maua lau numera o le pepa faamaumau i luga o lau pepa faataga o le malumalu, pe fesili atu foi i le Failautusi a le Uarota po o le Paranesi po o se isi taitai o le Ekalesia.
O a faamatalaga o loo aofia ai i le Sailiiliga o Taunuuga?
A e faaiuina se vaega, o le a fesiligia oe e uiga i gaoioiga eseese na faia e tagata auai a o avea i latou ma se sui o le vaega. E aofia ai:
Pe na amata pe faaleleia e le tagata auai se pisinisi?
Pe na amataina e le tagata auai se polokalama faaleaoaoga?
Pe na maua e le tagata auai se galuega fou pe sili atu?
Pe na amata pe faaleleia e le tagata auai se paketi?
Pe na maua e le tagata auai se tusipasi?
E faapefea ona ou tuuina atu ni manatu faaalia a tagata faaaoga pe ripoti ni faafitauli i le polokalama?
MATOU TE MANANAO E FAASOA MAI OU MANATU O le taimi nei, o loo matou aoina mai manatu faaalia a tagata faaaoga e ala i lau Pule o le Uelefea ma le Ola Tutoatasi. Faamolemole lafo ia i latou se imeli e i ai soo sau manatu faaalia po o ni faafitauli sa e feagai ai i le polokalama. Tuu atu le tele o faamatalaga auiliili e mafai ai. Afai e mafai ona e tuuina atu ni ata, e mafai foi ona fesoasoani tele.
