O la tatou sini o le fesoasoani lea i tagata a'oa'o i le lalolagi atoa e faalautele avanoa e ala i le atiinae o tomai faa-Peretania i se siosiomaga o le faatuatua, faaaumea, ma le tuputupuae.
Faatuatua
I le EnglishConnect, tatou te galulue i le faatuatua e saili le fesoasoani ma le malosi o le Atua i le aoaoina o le gagana Peretania. I a tatou mataupu aoaoina atoa, tatou te faaaogaina ai se mataupu faavae faaleagaga o le aoaoina lea e fesoasoani ia i tatou ia malamalama ai i o tatou gafatia moni ma le gafatia o le Atua e faateleina ai lo tatou gafatia e aoao ai.
Faaaumeaina
I vaega o talanoaga EnglishConnect, tatou te faafaileleina faauoga ma fausia se upega fesootai lagolago e siitia ma musuia ai i tatou. E ui atonu tatou te o mai mai talaaga eseese, ae e mafai faatasi ona faateleina lo tatou talitonuga, aoao mai a tatou mea sese, ma faamanatu lo tatou alualu i luma.
Tuputupua'e
O le EnglishConnect e sili atu le faamoemoega nai lo le aoaoina o le gagana Peretania; e faatatau foi i le faateleina o lo tatou gafatia e aoao ai ma aoao atu. E tusa lava po o fea tatou te amata ai, tatou te galulue malosi ma faipaaga ma le Atua ina ia ausia a tatou sini. Tatou te galulue i le faatuatua e faataitai le gagana Peretania i aso taitasi, faateleina o tatou tomai, ma tatala faitotoa i avanoa matagofie, e pei o...- Galuega sili atu
- Avanoa mo aoaoga maualuluga
- Avanoa mo auaunaga
- Faauoga fou
Mataupu Faavae e Ono o le Aoaoina
1. O oe o le alo o le Atua
I le EnglishConnect, ua tatou iloa ai o tagata auai uma o fanau a le Atua e i ai gafatia e faavavau. Pe a tatou malamalama i o tatou gafatia moni, e mafai ona tatou faipaaga ma le Atua e faia mea e foliga mai e le mafai – e aofia ai le aoaoina o le gagana Peretania.
2. Faatino le faatuatua ia Iesu Keriso
Matou te valaaulia tagata aoao e aoao e uiga ia Iesu Keriso ma faatino le faatuatua ia te Ia. E ala mai i le alofa tunoa ma le mana o Iesu Keriso, e mafai ai ona tatou maua le malosi ma le fesoasoani e aoao ai ma suia.
3. Tauave le tiutetauave
I le avea ai ma fanau a le Atua, ua ia i tatou le mana e filifili ai po o le a le ituaiga tagata o le a iai tatou. E ui lava e mafai ona fesoasoani isi ia i tatou, ae e tatau ona tatou filifili e fai le galuega e tatau ai ina ia ausia ai a tatou sini o le aoaoina.
4. Alofa ma a'oa'o e le tasi le isi
O se tasi o vaega e sili ona ofoofogia o le EnglishConnect o le fegalegaleaiga e aoaoina faatasi i a tatou vaega o talanoaga. A o tatou alolofa, aoao atu, ma aoao faatasi, tatou te valaaulia le fesoasoani a le Atua, ma tuputupu ai lo tatou gafatia.
5. Uunai i luma
O le aoaoina o se gagana e manaomia ai le taimi, taumafaiga, ma le finafinau, ae tatou te le o faia toatasia. E mafai ona fesoasoani le Atua ia i tatou ia maua le malosi ma le lototele e faaauau ai pea ona galulue agai i a tatou sini.
6. Fefautuaai ma le Alii
O le fefautuaai ma le Alii e ala i le tatalo e mafai ona fesoasoani ia i tatou e iloilo ai lo tatou alualu i luma ma taulai atu a tatou taumafaiga. A o tatou sailia Lana taitaiga, e mafai ona tatou sailia ni vaifofo i o tatou faafitauli, ma faatoilalo o tatou luitau.