Ang EnglishConnect usa ka programa sa pagkat-on sa pinulongang Iningles nga gisangkap sa Ang Simbahan ni Jesukristo sa mga Santos sa Ulahing mga Adlaw. Ang katuyoan sa EnglishConnect mao ang pagtabang sa mga tigkat-on nga mapalambo ang mga kahanas sa Iningles sa kahimtang nga adunay panagdait ug hugot nga pagtuo.

Talagsaong Mga Benepisyo

Ang pagpalambo sa kahanas sa Iningles makapadaghan sa mga oportunidad alang sa panarbaho, edukasyon, pagserbisyo, ug pakighigala. Hinoon, daghang katawhan sa tibuok kalibutan ang nag-atubang og mga babag sa pagkat-on og Iningles lakip na sa gasto, gilay-on, oras, pagduda sa kaugalingon, ug kalisud sa pag-adto sa klasehanan. Ang EnglishConnect naghatag og talagsaong oportunidad sa mga tigkat-on sa tibuok kalibutan nga:

• Makaapil sa mga grupo sa pag-istoryahanay og Iningles nga gituyo aron makaugmad og panagdait ug hugot nga pagtuo.
• Makagamit sa mga kapanguhaan alang sa personal nga pagtuon sa gamay ra ngadto sa walay gasto.
• Ubanon ang espirituhanon ug akademikong pagkat-on aron mapalambo ang kinaugalingong paningkamot.

Ang pagkat-on og pinulongan nagkinahanglan og pasalig, oras, kakugi, suporta, ug tinuyo nga pagbansay. Ang EnglishConnect nga mga kurso gidesinyo aron sa pagtabang sa mga tigkat-on nga angkonon ang responsibilidad alang sa ilang kaugalingong pagkat-on ug magtambayayong sa pagkab-ot sa ilang mga tumong.

Ang EnglishConnect 1 ug 2 nga mga kurso motabang sa mga tigkat-on nga mapalambo ang sukaranan nga mga kahanas sa pagpakig-istorya sa Iningles. Ang EnglishConnect 3 nag-andam sa mga tigkat-on alang sa mga akademikanhong mga oportunidad – ilabi na sa BYU-Pathway Worldwide (alang sa dugang nga impormasyon bisitaha ang byupathway.org).

EnglishConnect 1 ug 2

Ang EnglishConnect 1 ug 2 nga mga kurso gitudlo sa mga miyembro ug mga misyonaryo sa Ang Simbahan ni Jesukristo sa mga Santos sa Ulahing mga Adlaw ug gipahigayon ubos sa direksyon sa lokal nga mga lider sa Simbahan. Ang mga klase sa panag-istoryahanay ipahigayon kada semana, kasagaran sa lokal nga meetinghouse. Ang mga materyal sa kurso anaa sa internet o sa giimprinta nga format.

Moapil og EnglishConnect 1 & 2

EnglishConnect 3

Ang EnglishConnect 3 gihatag pinaagi sa BYU-Pathway Worldwide uban sa suporta sa lokal nga mga miyembro ug mga lider sa Ang Simbahan ni Jesukristo sa mga Santos sa Ulahing mga Adlaw. Ang EnglishConnect 3 usa ka online nga kurso nga mag-agad sa kaugalingong gipaspason nga adunay giniyahan sa estudyante nga panagpundok nga himoon pinaagi sa internet o diha sa usa ka lokal nga meetinghouse.
Ang pagrehistro alang sa EnglishConnect 3 maghatag sa mga tigkat-on og 14 ka semana nga akses sa mga kapanguhaan sa pagkat-on diha sa internet nga adunay pang-indibidwal nga feedback sa pagpaminaw, pag-istorya, pagbasa ug pagsulat. Ang mga kapanguhaan sa online nga pagkat-on gibase sa kasarang, buot pasabut nga ang mga tigkat-on moabante diha sa mga kurso samtang sila makakab-ot og tukma nga kahanas sa Iningles. Ang mga tigkat-on mahimong mobalik og pag-eskwela sa EnglishConnect 3 sa bisan og kapila ka higayon nga gikinahanglan aron makab-ot ang ilang tumong.

Apil sa EnglishConnect 3