EnglishConnect нь Есүс Христийн Хожмын Үеийн Гэгээнтнүүдийн Сүмээс англи хэл сурахад зориулан гаргасан хөтөлбөр юм. EnglishConnect хөтөлбөрийн зорилго нь суралцагчдад нөхөрлөлийг болон итгэл үнэмшлийг дэмжих орчинд англи хэлний чадвараа хөгжүүлэхэд туслах явдал юм.

Онцлох давуу талууд

Англи хэлний мэдлэгээ сайжруулснаар ажил эрхлэлт, боловсрол, үйлчлэл, нөхөрлөлийн шинэ боломжуудыг нээж чадна. Гэвч дэлхий даяар олон хүнд англи хэл сурахад нь зардал, байршил, цаг хугацаа, өөртөө итгэлтэй бус байдал, хүртээмж зэрэг саад бэрхшээлүүд тулгардаг. EnglishConnect нь дэлхий даяарх суралцагчдад дараах онцгой боломжуудыг өгдөг:

• Нөхөрлөл ба итгэл үнэмшлийг хөгжүүлэх зорилготой англи хэлний ярианы бүлгүүдэд оролцох.
• Хувиараа судлах эх сурвалжуудыг маш бага зардлаар эсвэл үнэ төлбөргүйгээр ашиглах.
• Сүнслэг болон онолын мэдлэгийг хослуулан бие даах чадвартай болох.

Хэл сурахад үүрэг даалгавар, цаг хугацаа, хичээл зүтгэл, тусламж дэмжлэг, урьдчилан төлөвлөсөн дадлага шаардагддаг. EnglishConnect сургалтууд нь суралцагчдад өөрсдийн суралцах үйл явцад хариуцлага хүлээж, зорилгодоо хүрэхийн тулд хамтран ажиллахад нь туслах зорилготой.

EnglishConnect 1, 2-р сургалтууд нь суралцагчдад анхан шатны англи хэлний ярианы чадвар хөгжүүлэхэд тусална. EnglishConnect 3 нь суралцагчдыг боловсрол эзэмших боломжуудад – ялангуяа BYU-Pathway Worldwide.

EnglishConnect 1 & 2

EnglishConnect 1, 2-р сургалтуудыг Есүс Христийн Хожмын Үеийн Гэгээнтнүүдийн Сүмийн гишүүд болон номлогчид орон нутгийн Сүмийн удирдагчдын удирдлаган доор заадаг. Ярианы хичээл нь долоо хоног бүр ихэвчлэн орон нутгийн цуглааны байранд явагддаг. Сургалтын материалыг онлайнаар болон хэвлэмэл хэлбэрээр ашиглаж болно.

EnglishConnect 1, 2 сургалтанд элсэх

EnglishConnect 3

EnglishConnect 3-ыг Есүс Христийн Хожмын Үеийн Гэгээнтнүүдийн Сүмийн орон нутгийн гишүүд, удирдагчдын дэмжлэгтэйгээр BYU-Pathway Worldwide явуулдаг. EnglishConnect 3 нь онлайнаар юм уу орон нутгийн цуглааны байранд долоо хоног тутам суралцагчаар удирдуулдаг цугларалт бүхий өөрийн хурдаар сурахад зориулсан онлайн сургалт юм.

Суралцагч EnglishConnect 3-д бүртгүүлснээр онлайнаар суралцах эх сурвалжуудыг 14 долоо хоног ашиглан сонсох, ярих, унших, бичих чадварууддаа тусгайлан санал зөвлөгөө авах болно. Онлайнаар суралцах эх сурвалжууд нь чадварт суурилсан бөгөөд суралцагчид англи хэлний тодорхой чадвар эзэмшсэнээр түвшин ахидаг. Суралцагчид EnglishConnect 3 сургалтыг зорилгодоо хүртлээ давтан авч болно.

EnglishConnect 3-т элсэх