Pagsuporta sa Buluhaton sa Dios
Pwedeng gamiton sa mga membro, mga misyonaryo, ug mga higala sa Simbahan ang EnglishConnect aron magkinabuhi subay sa ebanghelyo, aron dapiton ang uban sa pagdawat sa ebanghelyo, ug aron atimanon kadtong nanginahanglan.
Ang katuyuan sa EnglishConnect mao ang pagtabang sa mga indibidwal nga madugangan ang kahigayonan pinaagi sa pagpalambo sa mga kahanas sa Iningles sa usa ka lugar diin naay pagtuo, panag-ubanay, ug pag-uswag.
Dakog tabang ang pagpalambo sa kahanas sa Iningles aron makabaton og mga kahigayonan alang sa serbisyo, trabaho, ug edukasyon. Ang mga tigkat-on nga makakompleto sa EnglishConnect 3 mas maandam sa pagkuhag degree pinaagi sa BYU-Pathway Worldwide.
6 Ka Lakang sa Pagsugod og Grupo
1. Pagpatambag sa mga lider sa pagkapari bahin sa panglantaw ug mga tumong
Kinahanglang magtinabangay ang mga lider sa pagkapari ug mga espesyalista aron magdesisyon kon unsang lebel sa EnglishConnect ang itanyag, ug kon unsang klase sa grupo ang pinakahaom sa ilang mga panginahanglan. Pwede kang mangita sa QuickReg aron mahibaloan kon naa na bay available nga grupo sa imong lugar.
Pangita sa QuickReg
2. Tawagi ug bansaya ang mga magtutudlo
Nagkinahanglan kag bisag usa lang ka magtutudlo para sa matag lebel ug oras, ug duha para sa mga grupo nga naay mga menor de edad. Seguroa nga naay espesyalista sa kaayohan ug pagsalig sa kaugalingong aron ma-coordinate ang programa ug marehistro ang mga grupo sa QuickReg.
3. Paghatag og mga materyales
Available ang mga digital ug print nga materyales para sa mga tigkat-on, mga magtutudlo, ug mga lider. Kinahanglang naay access ang kada partisipante sa mga kapanguhaan nga haom sa ilang papel.
4. Pagdesisyon sa kon asa ug kon kapila magkita
Sunod, pagdesisyon kon asa ug kon kapila magkita ang grupo. Makatabang ang pag-iskedyul sa kalihokan diha sa kalendaryo sa building.
5. Pagparehistro sa QuickReg
Ang QuickReg mao ang opisyal nga tool sa pagpaparehistro sa Simbahan para sa pagsalig sa kaugalingon ug sa mga grupo sa EnglishConnect 1 ug 2. Sa QuickReg pwede kang maghimo ug magdumala og mga grupo ug magdapit og mga partisipante. Mapangita sa mga partisipante ang mga grupo ug marehistro ang ilang kaugalingon, gawas pa sa ubang kaayohan. Dangtan rag pipila ka minuto ang pag-set up ang imong grupo sa QuickReg.
6. Dapita ug i-welcome ang mga partisipante
Dihang ma-set up na ang imong mga grupo, pwede na kang magsugod sa pagdapit nga moapil ang mga tigkat-on. Gamita ang aprobadong mga materyales sa pagkahibalo sa EnglishConnect aron buhaton kini.
Pagtabang sa mga Tigkat-on nga Padayong Makiglambigit
Pagtukod og mahangtorong grupo sa EnglishConnect pinaagi sa pagtabang sa mga tigkat-on:
Mobating dinawat
"Nindot kaayo ang kasinatian sa EnglishConnect para nako. Nagtuo ko nga mahimong panalangin ang EnglishConnect sa kinabuhi sa daghang tawo. Makabati ni nimo nga bahin ka sa usa ka komunidad ug nga dawat ka nila, usa ka paagi sa pagtukod sa atong hugot nga pagtuo, ug usa ka plataporma alang sa personal nga pagtubo ug pag-uswag.”
- Samson Obaji, Nigeria
- Pagplano nga dapiton ug i-welcome ang mga bag-ong tigkat-on.
- Padayon silang dapita nga mobalik kon naa silay wala matambongi nga panag-estorya sa grupo.
- Hatagig higayon ang mga tigkat-on nga tudloan ang usag usa.
Gamita ang grupo sa pagpakigestorya sa Iningles diha sa balay
“Paboritong bahin nako niini nga programa ang senemanang mga tigom. Makapalipay kaayo nga mailaila ang ubang tigkat-on ug mga misyonaryo. Nalingaw ming mag-uban ug makigbahin sa among mga hunahuna. Napauswag nako ang akong kahanas sa Iningles pinaagi sa pag-apil sa mga tigom.”
- Monika Elimable, Haiti
- Pag-estoryag Iningles uban sa mga partisipante
- Gahina ang kadaghanang bahin sa panahon sa mga aktibidad sa pagbansay nga makig-estorya.
- Dasiga ang mga tigkat-on nga magbansay og Iningles kada adlaw
Pagkahibalo kon asa ka paingon ug unsaon pag-abot didto
“Sa wala pa ang EnglishConnect, wala ko kabalo kon unsaon pagkab-ot sa akong mga tumong sa estudyante, propesyonal, ug sa personal." Karon naa na koy plano kon unsaon ni pagkab-ot. Nagkaduol na ko sa akong mga tumong sa kinabuhi uban ang EnglishConnect samtang nag-uswag ang akong Iningles.”
- Sergio Alvarez, United States
- Kanunayng hisgoti ang sunod nga lebel sa EnglishConnect.
- Dapita ang mga misyonaryo sa BYU-Pathway EnglishConnect nga bisitahon ang inyong grupo ug tabangan ang mga tigkat-on nga mangandam para sa EC3.
- Tabangi ang mga tigkat-on sa pagtakda og mga tumong ug paghimog mga plano
- Itudlo kon unsaon ang epektibong pagsusi
Kon unsay hitsura niini
Niay usa ka pananglitan kon unsay hitsura sa mga nota gikan sa usa ka stake o ward council aron makasugod.
EnglishConnect sa Clark Farms Stake
Atong katuyoan:
Gamita ang EnglishConnect aron tabangan ang mga miyembro sa stake nga mapalalom ang ilang pagkadisipulo ug mapalapad ang ilang mga oportunidad sa pagsalig sa kaugalingon pinaagi sa pagkat-on og Iningles pinaagi sa pagtuon ug pagtuo.
Mga tanyag sa programa:
EnglishConnect 1 ug 2
Mga detalye sa miting sa grupo:
Kada Martes, 7:00 p.m. - 8:30 p.m., San Antonio Church building, room sa Relief Society
Mga aksyon:
Tawagi ang mga magtutudlo
- Sister Torres ug Mendoza, EnglishConnect 1
- Brother Castillo ug Morales, EnglishConnect 2
Pag-asayn og koordinator sa programa
- Sister Mendoza - espesyalista sa pagsalig sa kaugalingon.
Paghimog plano sa komunikasyon
- Miting para sa impormasyon, Nobyembre 15
- I-apil sa mga bulletin sa ward ug sa mga channel sa social media sa ward.
- Mga pahinumdom sa email
Pag-order og mga materyales
- Bayente ka kopya sa manual para sa tigkat-on para sa klase.
- Bayente ka indibidwal nga kopya sa mga workbook sa tigkat-on.
Flyer nga Giya para Daling Makasugod
I-download ni nga flyer aron sayon nimong ma-share kini nga web page ngadto sa uban nga gustong mag-launch og grupo sa EnglishConnect.