Kuo liliu ʻa e ngaahi maʻuʻanga tokoni EnglishConnect ke tokoni ki he kau faiakó mo e kau takí kenau fakahoko ha ngaahi kulupu fepotalanoaʻaki ʻi he ʻInitanetí mo nau kei felōngoaki ai. Kātaki ʻo manatuʻi ʻoku ola lelei taha ʻa e EnglishConnect ʻi he taimi ʻoku fengāueʻaki mo akoako fepōtalanoaʻaki ai ʻa e kotoa ʻo e kau akó.
Ko e founga lelei taha ke fakafaingofuaʻi ʻaki ʻa e fengāueʻakí ko hono fakatahatahaʻi ʻa e kau akó kenau tautau toko ua pe ʻi ha ngaahi fakakulupu iiki. Fakaʻaongaʻi ʻa e ngaahi loki ʻinitaneti mavahe ʻo e konifelenisí mo ha ngaahi meʻangāue kehe ke tokoniʻi ʻa e kau akó kenau fetalanoaʻaki ki he lahi taha ʻe lavá. Hangē ko ʻení, ʻoua ʻe lea pē ha taha ako ʻe taha kae fanongo ʻa e kātoa ʻo e kulupú, vahevahe ʻa e kau akó ki ha ngaahi kulupu tautau toko ua pe lahi ange ke nau fetalanoaʻaki ai. Fakakulupu foʻou lea ki he ʻekitivitī hokó. Poupouʻi ʻa e taha kotoa ké ne fakaʻaongaʻi ʻa e vitioó ʻo kapau ʻe lava.
Fakahinohino ki he Tataki ʻo e Ngaahi Kulupu ʻi he ʻInitanetí.
ʻE tokoni atu ʻa e fakahinohino ko ʻení ké ke teuteu mo tataki ʻa e ngaahi kulupu EnglishConnect ʻi he ʻinitanetí.
Fakahinohino ki ha Taha ʻoku Kau ʻi he Kulupu ʻInitanetí
Vahevahe ʻeni mo hoʻo kau akó ʻaki haʻo fokotuʻu ʻa e fehokotakiʻanga fakaʻinitanetí ʻi he fetalanoaʻaki lolotonga hoʻomou ngaahi fakatahá. Vakai ki ai ʻo ka fie maʻu.
Ngaahi Fakamatala ʻa e Kulupu Fepōtalanoaʻakí
Té ke lava ʻo fakaʻaliʻali ʻa e ngaahi fakamatala ʻi laló ke tokoni ʻi hono tataki ʻo e kau akó ʻi he ngaahi ʻekitivitī ʻi he lēsoni takitaha. ʻOku lava ke maʻu atu e ngaahi fakamatalá ni ʻi he ngaahi lea fakafonua ko ʻení:
Faka-Pilitānia | Faka-Falanise | Potukali | Faka-Sipeini